أول زيارة لغرفة العمليات

أول شي كيف حالكم؟

من زمان عن المدونة :( .. والله وحشتني ووحشتوني :) .. إن شاء الله راجعة قريبا بمواضيع جديدة

وبسبب فترة الركود اللي حاصلة قررت أنزل دا البوست اللي هو إهداء من العزيزة درّة الأمل

هي كتبته من بداية إجازة الحج وأنا كسلت أنزله.. أتمنى إنها تسامحني وانتو كمان سامحوني

أترككم مع كلامها الحلو :)

untitled1

يوم الأحد 16/11/2008 كان ثاني يوم بعد اختبار microbiology “علم الأحياء الدقيقة”
كالعادة بدأ اليوم بالمحاضرات من الساعة 8 الى الساعة 3
مر اليوم بطوله واحنا متحمسين ننتظر نقطة الانطلاق الى المغامرة
وأخيراً خلصنا لاب المايكرو الساعة 3 وانطلقنا الى ال OR يعني غرفة العمليات الجراحية..  ..
دخلنا الغرفة بعد موفقة القسم لنا بالدخول والتعرف على الOR  ..”بعد طلوع الروح”..
دخلتنا الممرضة أول شئ dressing room  “غرفة تغيير الملابس” عشان كلنا لازم نلبس لبس خاص مكون من:
-scrub  وهو اللبس المعتاد لبسة في غرفة العمليات مكون من بلوزة وبنطلون.
– غطاء الرأس.
– غطاء للقدم.
– كمامات.
– قفازات لازم تكون معقمة 100%

كل هذي الأشياء لازم تكون نظيفة ومعقمة عشان ما تنتقل أي بكتريا او فيروسات للمريض وتسبب له أي أمراض لاسمح الله.
وبعد ما انتهت عملية اللبس وبدون تعليق على الأشكال قمنا بجولة في انحاء غرفة العمليات شرح لنا فيها أحد العاملين في الOR. حيث تنقسم عرفة العمليات الى :
untitled2

قسم للإفاقة

وقسم العزل

وقسم يحتوي على غرف للتخدير

وأخرى لإجراء العمليات

كل غرفة مجهزة على حسب أنواع العمليات اللي تصير فيها يعني في غرف خاصة لعمليات القلب او الاعصاب او لعمليات النساء والولادة وغرف خاصة لأجراء العمليات بالمنظار..

كمان في غرفة مجهزة تجهيز كامل لتصوير العملية  ونقلها نقل مباشر عشان يتم مشاهدتها من قاعة مؤتمرات او محاضرات مثلاً..

وبدأ الأكشن..

حضرنا عملية استئصال الزائدة الدودية appendectomy” “ بالمنظار ..
يعني العملية تتم بفتح ثلاثة الى اربعة فتحات صغيرة جداً بالبطن
وحدة تدخل منها الكاميرا للتصوير والاخرى لباقي الادوات

“هذي الطريقة احسن للمريض بس متعبة للدكتور”
الزائدة عند بعض المرضى تكون ملتهبة في هذي الحالة لازم تستئصل حتى ما تسبب مضاعفات لاسمح الله
وعشان الزائدة مرة قريبة من الاعضاء تعب الدكتور حتى لقاها..
وبطريقة معينة قام باستئصالها بنجاح ولله الحمد
سبحان من اعطى الانسان العلم الجراحة مرة يبغالها دقة وطولة بال

خلصت العملية الساعة 5 تقريباً  رجعنا جري على غرفة تغيير الملابس والتقطنا صورة جماعية لنا واحنا لابسين لبس العمليات “الاشكال تحفة”
واهم شئ هذي الصورة

كان اليوم مررررررررة حماااااااااااااس
كل الدكاترة كانوا مستغربين وجودنا خصوصاً إننا أول دفعة تدخل غرفة العمليات وهي في هذي المرحلة..
..اللهم علمنا ما ينفعنا وانفعنا بما علمتنا ..
..اللهم اشفي جميع مرضى المسلمين يارب العالمين..

9 تعليقات to “ أول زيارة لغرفة العمليات ”

  1. يقول عصام:

    هههههههههههههههه

    ما شاء الله تمام والله ..

    والله يا أنا متحمس للعمليات بشكل !

    بالتوفيق يا رب ..

  2. يقول Shoso:

    و أخيييييييييييييييييييييييييييييييييييييييييييييييييييييييييييييييييييرا نزل الموضوع
    من زمان على مواضيع لذيذة في المدونة الحلوة دي و إللي صاحبتها أحلى و أحلى و وراها شغل كتييييييييييييييييير ( ترى أحيانا أحسك تخترعي الشغل و تطلعي من تحت الأرض!!!!!!!!!!! )

    درة الأمل تسلم يدك يا عسل….

    صراحة كان داك اليوم أحلى يوم لينا من يوم ما دخلنا المستشفى و كمان خلاني أفكر في قسم الجراحة كخيار للتخصص بعد التخرج بإذن الله ( أحد يقولي ليه الناس تفكر إننا ما نحس و قلبنا قاسي لمن يعرفوا إننا شرحنا و حضرنا عمليات أو شفنا جرح و ما قرفنا ؟؟؟؟؟؟؟؟؟؟؟؟؟؟!!!!!!!!!!! )
    في معلومة بس حبيت أقولها : و إحنا بنشوف العملية على الشاشة إللي بتتصور بكاميرا المنظار كنا نشوف الزايدة كبيييييرة و خاصة إنها ملتهبة فأكيد راح يكون حجمها أكبر من الطبيعي بس لمن أستأصلوها و شفناها كانت صغيرة و رفيعة ما يتجاوز طولها 10 سم ….

    عارفة ردي نشرة أخبار .. بس عشان ما تتأخري علينا مرة تانية ( أتكلم كأنو ماورانا إختبارات التلات أسابيع الجاية.. الله يوفقنا)

  3. يقول صفحة من كتاب الحيـــــــــــاة:

    والله اووووووم الحمااااااس داك اليوم:::::: اصلا اذن المغرب وانا لسه ما وصلت البيت :D ..
    بس احلى شي الصوره الجماعيه بس يا خسارة قمر السعاده ناقصه فيها :( ان شاء الله المره الجايــــــه تكون معانا لسه ورانا مشوااااااار يارب العفو والعافيه..
    مرره شكرا يا درة :)

  4. يقول لؤلؤة:

    مرة شكرا لدرة اللي كتبت الموضوع
    ولكل اللي مر ورد..
    بس حبيت أقول إنو أحلى شي إننا دخلنا غرفة العمليات وإحنا لسه سنة تالتة..
    يعني على قولة دكتورة جميلة صغاااار
    ولا الدكتور اللي شافنا واحنا خارجيين ويسألنا : سنة سادسة؟؟!! :)
    يحمس :)
    والحمدلله إننا أصلا رضيو يدخلونا ..
    لأنو بعدها بكم يوم قرر القسم مايستقبل طلاب وطالبات صغاار << مع نفسهم

    ومن جد زي ماقالت شوسو .. حسبناها كبيييييرة وطلعت حاجة صغيرة جدا بالنسبة للصورة..
    لكنها كبيرة مقارنة بالحجم الطبيعي اللي يتراوح من ٢-٣سم

    عصام..
    تراه شعور رائع..
    صح كنا خايفين في البداية وايادينا في ايادي بعض من التوتر..
    بس حلو.. تحس انك دكتور..

    شوسو..
    تسلمي والله ياسكر :) ..
    على الشغل .. بس خليها على ربك..

    صفحة..
    أما الصورة ديك اللي كأننا جايين من الفضاء الخارجي :P
    من جد قهر إنو قمور مو معانا..
    بس يللا خيرها بغيرها..
    مع إني ما أظن راح أرضى ألبس اللبس دا مرة تانية..

  5. يقول دُرة الأمل:

    وااااااااااااااااااااااااااااو أخيرا نزل الموضوع اللي له مادري كم ..
    كانت الزيارة مرررررة حلوة وكل ما أقول هدا الشئ لأي احد يطللي بنص عين ويقول غرفة عمليات وحلوة!
    نفسي احد يفهمنا……… بس أهم شئ احنا نفهم بعض.
    أما بالنسبة للصورة هدي اهم شئ في الموضوع وخصوصا مكان الالتقاط وان شاء الله تكون قمر معانا المرة الجاية..
    والأجمل الشعور بأنك دكتورة صغيرة..
    عفوا لكم جميعا…… اخجلتو تواضعي..

  6. يقول بريق:

    أخيييييييييرا نزل الموضوع

    كان يوم رااااااائع

    كله كوم و الدكتور اللي يسأل إنتوا سنة كم

    نقول له ثالث يقول سادس :) ماشي حالك

  7. يقول مفنوده:

    ياحظهاااا على هالشغله بس احس مرعبه بنفس الوقت

    انا اشتغلت فتره بمستشفى عيون || طلعت عيوني من عيونهم اللي مفقوعه واللي واللي

    بس الله لايبلينا

    بالتوفيق يارب

  8. يقول { فـوآح‘ }:

    العمليات جو ثاني من المشفى

    لكن أحب الـ الإي آر أكثر منها ،، أحس اني اعيش في أكشن أكثر ..

    العمليات دخلت تقريبا 6 عمليات // مملة نوعاً ما ،،

    لكن لها طعم غريب ، أولها أخلع قلبك قبل لا تخش

  9. يقول لؤلؤة:

    درة..
    الموضوع موضوعك << على وزن البيت بيتك :P
    خلاص يكفي احنا نفهم بعض :P
    حلوة دكتورة صغيرة.. على قولتهم مشروع طبيبة :D

    بريق..
    شفتي كيف يومي بسنة :(
    من جد داك الدكتور أعطانا أمل إننا مو مرة صغار..

    مفنودة..
    أسعدني مرورك :) ..

    فواح..
    ماشاء الله ٦ عمليات
    الاي آر كل مانروحها مانشوف ولا حالة..
    نزلنالها اظن ٣ او ٤ مرات وما شفنا شي اكشن :(
    حلوة أخلع قلبك :)
    يمكن لأنها عملية منظار ماخفنا كتير..
    مو زي البنات المتهورين اللي دخلوا عملية امبيوتيشن :S

أترك تعليقا