وحدة التنظير أو المناظير


كما عودتكم بتدوين

زياراتنا الرائعة لأقسام المستشفى

هذه الزيارة إهداء من

Wasan

احدى السداسي المرح

وحدة التنظير أو المناظير

endoscopy unit

الأسبوع الماضي كنا في وحدة المناظير

الحمد لله إنهم رضيوا يدخلونا بعد ما أخذنا منهم موعد في اليوم اللي قبله

استقبلتنا الممرضة

كانت الوحدة يومها زحمة

ما حد زاحمها غير دفعتنا العزيزة

أول شئ

دخلنا غرفة الفحص المبدئي

وفيها يستقبلوا المريض

و يفحصوا العلامات الحيوية

(معدل ضربات القلب – ضغط الدم-معدل التنفس-درجة الحرارة)

و بعد كذا يأخذوا عينة دم ويرسلوها للمختبر لمعرفة

Cougulation profile

cannula و بعدين يركبوا

وهي عبارة عن أنبوبة توصل للوريد يستخدموها لإعطاء الأدوية

و جاء دور الأكشن الكبير

حضرنا

منظار الجهاز الهضمي العلوي

طبعا أول مرة في حياتي أدخل غرفة المنظار و أحضر العملية

حسيت بشعور غريب

انبهرت باللي توصله العلم الحديث

انك ممكن تدخلي كاميرا في جسم الإنسان

وتشوفي كل التفاصيل الصغيرة

سبحان الله

علم الإنسان ما لم يعلم

أعطت الدكتورة المريضة

conscious sedation

وهو عبارة عن مهدئ بحيث ما تحس بالألم ولا تفتكره بعد العملية

و دخلت أنبوب المنظار في فم المريضة



و ابتدأ الأكشن

و الفيلم يتعرض على الشاشة


أول شيء شفنا الفم –البلعوم –المرئ-المعدة و الإثني عشر

كانت الدكتورة تدخل الأنبوب ببطئ وتستعين

suction machine

لشفط افرازات الجسم من لعاب وعصارات الخ

اللي تعيق من وضوح الصورة

وطول الوقت تراقب معدل نبضات القلب والأوكسجين على الجهاز

و بعدين ورتنا صورة قرحة في المعدة والإثنى عشر

و أخذت عينة منها وأرسلتها للمختبر

(أسأل الله العظيم رب العرش العظيم أن يشفيها)

و بعد الإنتهاء من العملية

يرسلوا المريض لغرفة الإفاقة حتى ينتهي مفعول المهدئات

وممكن بعدها يروح البيت

______

الصور من العم جوجل

6 تعليقات to “ وحدة التنظير أو المناظير ”

  1. يقول Shoso:

    وااااااااااااااااااااااااااااااااااااااااااااااااااااو وسن شرح رائع جداً
    الله يعطيك العافية..
    زيارتنا داك اليوم كانت مرة حلوة و مفيدة
    بالرغم من إني حزنت على المريضة ( الله يعافيها و يشفيها يا رب ) فأنا ما أتخيل إنو ممكن أخلي أحد يدخل أنبوب زي داك في فمي و يوصله لمعدتي و راح أكون زي المريضة إللي شفناها uncooperative ( ترى على فكرة تقريباً كل الدكاترة يعتبروا مرضى عنيدين و صعبين و ما يسمعوا الكلام بالرغم من إنهم يعرفوا إنو كل إللى يعملو الدكتور لمصلحتهم و عارفين إيش الهدف منه .. بس إيش نقول باب النجار مخلع )
    تسلم إيديك وسن …و يد إللي نزلته كمان ( عشان لا تزعل مننا)

  2. يقول فواح:

    طيب ..
    دكتورة ، فيه ناس يسوونه وهم واعين ؟؟

    موفقين

  3. يقول news1390:

    يعطيكم الله الف عافيه

    والله يشفي المريضة يارب

  4. يقول صفحة من كتاب الحيـــــــــــاة:

    *دكتــــــــــور فواح……
    أصلا هوا يتعمل وانتا واعي …لانو اصلا الدكتوره كانت وهيا تدخل المنظار في البداية بتقول للمريضة حاولي تبلعي ولا تدفيه( المريضة كانت شويه كبيره في السن فكانت بتدف المنظار بلسانها شويتين واضطرت الدكتوره تاخد وقت شويه الين ما دخلته )…هما بس يعطوا مخدر بسيط يخليك كانك دايخ شويه بس..

    * شوسو والله حتى انا معاكي وموقفي(لا سمح الله لو كنت في محلها)راح اسوي زيها ……….مو قصدي شي بس احسوا صعبه شويتين شي يدخل من الفم للمعده وممكن اكثر من كدا …….وانا صاحيه ..

    ما أقول غير اللــــــــــــــه يشافي كل مرضى المسلمين ويجزيهم على صبرهم..

  5. يقول أيمن:

    زيارة ممتعة

    وطرح ممتع

    أهنيك عليه

    تسجيل إعجاب بما تدونين هنا

  6. ههههههههههههـــ كيفكـ لؤلؤة والله تلاقيكيـ تعبااااااانة واختبااارات وقرف

    الله يعينك:)..

أترك تعليقا