اختبارات نصفية!!!!
نوفمبر 1st, 2008
اختبار المايكرو الميد بعد أسبوع بالضبط
وبما أن المايكرو عندنا 4ونص محاضرة في الأسبوع
الطبيعي انو يكون الاختبار لحد ماوصلنا تقريبا 18محاضرة (قولوا إن شاء الله تكون أقل)
وأنا ما زاكرت عدل :(
^
^
^
دا المقطع كل ماشفت أحد في وجهي الويك اند قلتله هو << سواء فيس تو فيس ولا حتى عالمسن
المشكلة إني عارفة تفكير غبي زي دا ماراح يودي ولايجيب
ماعلينا 
زي ما انتو عارفين كل واحد لو طريقة يفضلها في المذاكرة
وأنا آدمية أحب أذاكر بطريقة الشرح للغير وكتابة الملخصات <<كنت أكتب بس صار لي فترة كسلت ونزل معدلي :(
واليوم لما شفت حملة دراستي في مملكة القلم
قررت وبما إني ماعندي أحد أشرح له في البيت
إني أشرح هنا
أو بالأصح ألخص المعلومات المهمة
وإن شاء الله أفيد الكل 
في النهاية..
اش رايكم..
أشرح بالعربي ولا الانجليزي؟؟!!
.. دمتم بصحة وسلامة ..
جاك الموت يا تارك الصلاة.. هدي الكلمات إللي توصف حالنا مع المايكرو
تدري إني ماني مصدقة إلين دحين إنو السبت الجاي اختبارنا و إني لازم أبدأ أذاكر على الأقل من يوم الثلاثاء و إنو الويكند راح يكون مذاكرةxمذاكرة يعني 24 ساعة على الكتاب .. يارب ساعدنا..
أنا عن نفسي أفضل تشرحي بالE عشان الكلام أحفظه و أفهمه و مرة وحدة أكتبو في الإختبار( شايفة كيف مستعجلة ما عندي وقت)
المشكلة الأسبوع دا مليان ما يسوا مؤتمرات و لا أنشطة إلا لمن نكون إحنا بنات الطب( على قولهم) عندنا إختبارات…
يا رب و فقنا في إختباراتنا الجاية قولوا آمين..
من جد انا مرة خايفة من الاختبار .. خصوصا بعد الصدمة اللي اخدتها على راسي اليوم انو الاختبار راح يكون لاخر شئ راح ناخده الأبعاء الجاي “ركزوا على كلمة راااااح”
المشكلة اني دحين مرة تعبانة ومني عارفة اسوي شئ الله يسهلها قولوا ياااااااااااارب
وبالنسبة للكتابة خليها بE لنفس وجهة رأي شوسو
الله يوفقنا………….
انجلش ..
والترجمة بعدين نلاقيها
ربنا وياكوووو يارب
والله فكره مرررررره حلوه
بس لا تتعبي نفسك مره كتيره و تجلسي تنسقي و تلوني و مدري ايش
خلاص انتي بس رصي الكلاام و بس
عشان كمان حرام بعدين تطولي تجلسي بالساعات و ترهقي نفسك
و اكيد طبعا يالانجليييييزي
اش نبغابو العربي .. كده راح تضيعينا اكتر محنا ضايعين
وغير كده عشان كمان يسهل الشرح عليكي
يعني لو تبغي تشرحي بالعربي ح تجلسي ساعه تركبي في الجمل
وبعدين قوليلي .. كيف راح تشرحي ال conjogatoin بالعربي؟؟؟
الحمــــــــــــــــــــــــــــــــــــــــــــد للــــــــــــــــــــــــــــــــــه يااااااااااااااااااااارب…
(<<< ردة فعل لا شعوريه ملازمة لنا لو بدون اي سبب في حاله تأجيل اي اختبار 
)
اعلن رسميا (بعد اذنك يا عسل :D ) انه تم تــــــــــــــأجيل اختبارنا الجميل كمان اسبوع …………
والله هوا الاختبار ورانا ورانا يعني اذا مو دا السبت فاللي بعدو ،لكن مدري ليه لما قالوا أتأجل انبسطت
ومن فرط السعاااادة رجعت ولدحين مـــــــــــــــــــــانمت مع اني دايخة :S
ما أقول غيـــــــر
::::::::::::الله يوفقنــــــــــــــــــــــــــــــــــــــــا يـــــــــــــارب::::::::
الله يوفقك يارب وينجحك
وبامتياز بعد مع مرتبة الشرف
لوووووووووووووووووووووووووووووووووليش رجع النت قولوا ماشاء الله لا ينفصل ثاني
وهذي وحده ثانية لتأجيل الإختبارلووووووووووووووووووووووووووووووليش
لكل من مرّ هنا..
سعيدة بمروركم وإضافاتكم
وأبشروا التلخيصات جايتكم
وبالنسبة لتأجيل الأختبار …
أحس إني فرحانة ولكني وفي نفس اللحظة أشعر بالألم – ياناس عندي فرح –
والناس اللي كان التأجيل في صالحهم انبسطوا في الفرح لو سمحتوا