لؤلؤة مع ..
عيد سعيد بعد الزحمة
عيد سعيد
وكل عام وانتو بخير بعد الزحمة 
عارفة إني أتأخرت مرررررررررررة كتير
بس للعيد أحكام وللعقاب أحكام
فقد عوقبت ليلة العيد بالمنع من النت بل وحتى من اللاب توب << بصراحة أستاهل
وبصراحة مافرقت كتير مع زحمة العيد
لكن أشتقت للمدونة وكان نفسي أنزل تدوينة أعيد فيها معاكم بس يللا خيرها بغيرها
إن شاء الله عيد الحج أعيد عليكم 
…………………..
الحمدلله كان عيدنا حلو
رغم أنه أول عيد بدون جدو الغالي (أبو بابا)
وثاني عيد ببدون بابا
رحمهما الله وأسكنهما فسيح جناته
كانت جمعة العيد حلوة مع انو ما كان في حلويات
<<أحيانا العادات تحكم الواحد يعني العيد اللي فات جدو مارضي يحط حلاوة عشان أول عيد بعد وفاة فلذة كبده ودا العيد مدري مين اللي مارضي عشان أول عيد من غير جدو
أحلى حاجة أول يوم العيد إننا وأعني بها جميع أفراد خماسينا المشاكس
ولأول مرة في العيد كلنا نجيب هدايا لبعض
والمضحك إنو أغلبها أشياء للجوال
والمثير إنو كل الهدايا من صنع ايدينا الحلوين
………………………………..
جا العيد بدري ..
حزنّا على فراق رمضان بسرعة
وفرحنا إنو سار في يوم إضافي نعيد فيه قبل الفرح
عشان كان عندنا فرح تاني يوم فسار تالت يوم ودا شي حلو
يعني الحمدلله كان عيد مرتب وحلو وشفنا أهلنا اللي من زمان ماشفناهم
وفي ناس أول مرة نشوفهم
…………………………….
أمس وأول أمس كنا في جدة أم الرخا والشدة
وبصراحة في حاجة حيرتني يا أهل جدة إنتو فين بالزبط؟؟
يعني عمري ما شفت شوارع جدة فاضية طول عمرها زحممممممممممممممة خااااااااااانقة
بس يوم الأحد كان شي تاني الطريق فاااااااااااااااااضي وما في أحد في الشوارع
أقنعوني أهل جدة فين أختفوا؟؟!! :؟
………………………………………………
واليوم إن شاء الله طالعين الطايف
الله يوصلنا بالسلامة :p
…………………………………………
دا كان ملخص عيدنا..
لاااااااااااااااااا
في شي نسيته السنة جبنا هدية لماما ساعة ولأخويا ساعة وأخواني جابولي ساعة
تحسوا إنو عيد ساعات وإكسسوارات جوال
………………………………………….
صح في شي كمان
أمس ولله الحمد امتكلت دومين خاص :d
بس ماراح أنقل عليه إلا بعد ما أتعلم عليه واللي مستعد يساعدني يامرحبا
لأني مدري اش راح أسوي لوحدي
……………………………………………..
وبكدا نكون خلصنا النشرة الاخبارية ونختم بأهم العناوين <<<<<<<<< صدقت نفسها
ودمتم سالمين :D
الله يرحم بابتك وجدك ..
مبروك الدومين الخاص ، مقدما ..
كل عام وانتي بخير ، بعد الزحمه
فوتون..
آمين يارب..
والله يبارك فيكي..
كل عام و أنت بخير بعد الزحمة على قولتك
عارفة إنو ردي متأخر بس مشيها ليا
أهل جدة يا ستي نصهم في مكتبة جرير و النص التاني يشتري مراييل و ثياب للمدارس عشان كدا شوارعنا بعد رابع يوم للعيد فاضية.. تصدقي أول مرة أروح الكورنيش و ألاقي فاضي مو زحمة و لا قدرنا كمان نلاقي مكان نجلس فيه
و مبروك على العام الدراسي الجديد ( صراحة حاسة بحماس للسنة دي بس الله يستر منها كمان )
See You