زحمة .. معمول ..

أهلا بكم من مكة موقع الحدث

بالأمس فقط كنت في جدة في الجامعة آخر يوم دوام قبل الإجازة :)

لم أر يوما طريق جدة-مكة السريع بهذه الزحمة أبدااااااااااااا

هل تتخيلون بأن الطريق التي أقطعها يوميا في ٤٠-٤٥ دقيقة تقريبا

ستأخذ مني مايقارب الساعتين :(

كنت في السيارة مع عمي الغالي وابنتيه الحبيبتين :)

ساعة ونصف بالضبط هو الوقت الذي انتظرناه في نقطة تفتيش الشميسي :'(

ولكنا بفضل الله قضيناه في نقاشات ممتعة

فتاوى الحج .. ندوة الحج الكبرى .. كيف تخطط لمستقبلك .. الاقتصاد ..

أهل جدة لو جايين مكة عليكم بخط الليث ترى الزحمة هناك أخف بكتير <<قهر خالي مشي بعدنا بنص ساعة ووصل قبلنا :(

وصلنا البيت بفضل الله ..

وبدأ الجميع بالعمل في إعداد المعمول وتسلم يدك يامرات خالي :)

إعداد المعمول في الحج عادة عند معظم سيدات الحجاز..

لإحتوائه على الكثير من العناصر الغذائية .. سهولة حفظه .. خف حمله ..

فيعتبر غذاء مناسب للحجيج..

من زمااااااااااااااان ماعملنا معمول في البيت .. كان مرة يحمس :)

الصور من جوجل :)

8 تعليقات to “ زحمة .. معمول .. ”

  1. يقول saleh:

    كل عام وانتم بخير…

    جدة-مكة كل يوم ؟!..الله يعينكم على المشوار

    بس حلوة الروح الرياضية في التعامل مع الزحمة..لأني أنا لازم أعصصصب عند أي زحمة زغنطوطة تقابلني في الشارع..

    “الصور من جوجل” <<<ريحتيني والله…لأن شكل هذا المعمول اللي في الصورة مو طيب!!…و الا لا؟….صاير فاتح مرة!

  2. يقول بريق:

    كل عام وانت بخير

    قبل الزحمة

    الله يمي يمي شهيتني في المعمول

    ممكن ترسلي لبيتنا :)

  3. يقول Shoso:

    قبل أمس و أنا أتغدى بعد ما رجعنا من آخر يوم في الدوام
    كنت قاعدة أتفرج في التلفزيون ( طبعا بابا هو إليي كان قاعد يتفرج و حاط على العربية و لا أنا مالي نفس حتى أتغدى ) و كانوا جايبين نقطة تفتيش الشميسي و كانت مرررررررررررررررررررررررة زحمة فقلت في نفسي الله يعين سفو و أهل مكة جميعا إللي راجعين بيوتهم اليوم.
    و على حكاية المعمول نفسي في معمول بيت من زمااااااااااااااااااااااااااااااان عليه و حق السوق مو قد كده صراحة.
    و أهل جدة راح تشوفيهم إنشاء الله يوم الوقفة لمن تفضى مكة من الحجاج… نصهم في مكة ونصهم في المدينة..
    ( عارفة مو رد هذه نشرة اخبار بس محد قلك تطولي و ما تنزلي موضوع في المدونة)

    في الختام..

    كل عام و أنت و الأمة الإسلامية بصحة و سلامة

  4. يقول لؤلؤة:

    saleh..
    وانت بصحة وسلامة..
    المشوار!!! خلاص صار عندنا توليرنس سنتين ونص وانا طالعة نازلة..
    بس صراحة تستاهل عزوز :)<<جامعتي وأحبها..
    المشكلة انو دا مرة فاتح وحقنا مرة غامق :) بس برضو معاك حق..

    بريق..
    وانت بصحة وسلامة :)
    تبي معمول؟؟
    أذا بقي منه شي بعد الإجازة.. من عنوني أجيب لكم :P
    لكن دحين تووووووووووبة أروح جدة في الحج :(

    shoso..
    وأنا شايفة سيارة القناة السعودية حقت البث المباشر<< مدري اش يسموها بالزبط
    قلت لعمو شكلهم بيصوروا .. قال مني شايف كميرات..
    مرررررررة شكرا انك دعيتيلي :*
    برضوا ماراح أجيب معمول إلا بعد الإجازة :P
    وانت بخيييييييييييييييييير :)

  5. يقول قمر السعادة:

    كل زحمة وإنتي بألف خير ياعسل
    وبالهنا والشفا عليكم المعمول بس ارسليلي كام حبة مع الحمام الزاجل

    وحشتوووووووووووني

  6. يقول صفحة من كتاب الحيـــــــــــاة:

    والله مررررره شكل المعمووووووول يحممممس…..
    أنا متأكده انك ماراح تنسي صحبتك وحتجيبيلنا أول يوم في الجامعه معمول <<شحته بطريقه مهذبة :D (بالعافيه عليكم يــــــــــــــارب )
    وان شاء الله اذا ربنا يسرلنا طالعين عندكم في الحرم يوم عرفة :)
    ومعايده ما في دحين ::::: أنا أعايد ليلة العيد بالضبببببط :D
    موفقيييييين يارب

  7. يقول دُرة الأمل:

    كل عاو وأنت والزحمة والمعمول بخير
    الحمد لله على سلامتكم
    المعمووووووووووول من زمااااان ما نسوي معمول في بيتنا “نسينا تقريباً كيف نسوي… حمستيني اسوي معمول”
    بالعافية عليكم المعمول.
    ترى كلكم مرررررة وحشتوني يومين بس كأنها شهرين…

  8. يقول لؤلؤة:

    قمر..
    :)
    كم مرة أقول مافي معمول قبل نهاية اإجازة :P
    ترى حتى الحمام عندنا عليه ضغط ;)
    وانت أكتر الله ياسكر..

    صفحة..
    يللا تعالوا لنا يوم عرفة..
    بس بكل صراحة ما أوعدك إني أستقبلك :P
    إن شاء الله وقتها نكون في عرفة :)

    درة..
    وانت بخييييييييييييير..
    الله يسلمك ياسكر..
    والله مرة لكم وحشة كلللللللللكم :)

أترك تعليقا