الهروب إلى المطر


هذي التدوينة إهداء من احدى أفراد شلتنا السداسية

صفحة من كتاب الحياة

تحكي قصة أمس

طبعا كل يوم الصبح كالعاده نكون في الجامعة……..روتين يومي محاضرات ولابات……

لكن اليوم كاااااان غيييير

غير ليييييش؟

انا أقولكم…………..

بداية الحكاية كانت الساعة 10 الصبح كنا ناخد الجزء النظري للاب البارا …

…فجأة سمعنا صوت رعد..ومن بعدها وانا اطل على الجو بره من الشباك

(الجو كان مررررة غيوم ويحمسسس وطبعا زي ما انتو عارفين مافي أي شي ممكن يجذبنا لمحاضره البارا ).

….

المهم مر الوقت سريع وخلصت الدكتوره وقالت: يالله يابنات روحوا اللاب وارسموا السلايدز اللي حتشوفوها بالمايكروسكوب…..

طبعا البنات خرجوا وراحوا اللاب ومن ضمنهم شلتنا الحبيبة السته باستثنائي انا ولؤلؤه كنا من اخر البنات ….وقبل ما ندخل اللاب سمعنا بنات بره يقولوا :بدأت تمطر……..

طبعااااااا اوووووووم الحماااااااس واحنا نطول في جدة فين وفين تمطر عندنا……..

فبدون تردد تحولت واجهتي انا ولولو على بررررررررررى وسحبنا من لاب البارا…….

واانبسطناااا ودعينا واتسابقنا تحت المطرررررر (للمعلوميه انا فزت بالمركز الأول ).

مكان السباق


وما بقي فينا شي من راسنا لرجولنا الا وتبلل…

وبعد فتره بقية شلتنا خرجوا وجونا …..طبعا مساكين كانوا من جوة اللاب يدقوا علينا لاننا اختفينا فجأة ومايدروا فين رحنا …….

واحنا ما شاء الله قفلنا جوالاتنا عشان الرعد وانا شخصيا سبتو في الشنطة (يعني ولا على بالنا)

لما قالولنا البنات انو في تحضير (حسيت شويه تأنيب الضميير ) ورجعنا رحنا اللاب:::::::

طبعا مناظرنا كانت تحفه واحنا متحممين مزبوووووط

، المهم كلها على بعضها كانت قرابه عشرة دقائق لفينا على السلايدات سريييع ورسمنا أشكال (الله بس يستر علينا ولا احد يشوفها ) وحضرنا نفسنا وخرجنا نلحق باقي المطر…….

شلتنا الحبيبه كانت خلاص دخلت في مبنى……

وانا ولؤلؤة كملناااااااا وناااااااسة تحت المطر الييييين ما وقف ..

……

والله كــــــــــــــــــــــان عندنا بعدها كمان ساعتين فاضيه وكنا المفروض نروح الهوسبتل نلف شويه ع كم شي..

….بس الوضع مررررة ما كان يسمح انو نروح واحنا مبللين كداا……

فكملنا اليوم ونااسه وبسطة مع بعض …………..

الللللله يديمها علينا من ونااااااااااااااااسة وبسطة والله يرحمنا برحمتو ويديم علينا نعمة المطر

…..اميييييييين


8 تعليقات to “ الهروب إلى المطر ”

  1. يقول wasan:

    كان أمتع يوم في تاريخ دراستنا
    أصلا هذي أول مرة ينزل فيها مطر ع الجامعة من يوم بدأنا ندرس فيها

    أنا بعد مارجعت من الجامعة كملت الفلة ع البحر مع أهلي
    كل أهل جدة كانوا عالبحر

    وووووووووووووووناااااااااااااااااااااسة:)

  2. يقول Shoso:

    كان يوم مررررررررررررررررررررررررررررررررررررررررررررة فلة و جننننننننننننننننننننننننننننننننننننان

    أحلى حاجة أشكالنا و إحنا مبلبلين ( كان يبغالنا صورة جماعية)

    ولا اليوم كمان من الساعة عشرة و نص الليل بدأت تمطر عندنا قريب الجامعة
    و شدت و صارت مرة قوية ( طبعا جدة الله يستر عليها تغرق في شبر ميه على قولت إخوانا المصريين)
    وترى مطرتنا الجميلة إللي تجينا في السنة حسنة و تغرقنا ما تستمر أكثر من ساعة…

    اللهم اجعله صيباً نافعاً….
    اللهم اجعله سقيا رحمة و لا تجعله سقيا عذاب….

  3. نحن زيكم سمعان الصوت بس للأسف ما قدرنا نخرج الا على 11 :( كان عندنا كلاس انجليش

    وبعدين ما استمتعنا الا 10 دقايق لأنو بعدها عندنا ماث
    عاد لمن خلصنا الماث على 12 وحاجة كان المطر خلص :(

    ممم
    كيف قدرتي تصوري ؟
    ومشاء الله الساحات فاضية ؟؟

  4. يقول { فـوآح‘ }:

    “….بس الوضع مررررة ما كان يسمح انو نروح واحنا مبللين كداا……
    فكملنا اليوم ونااسه وبسطة مع بعض …………..”
    >> بعض الأحيان تحس أن الجو ما راح يتكرر عليك ..

    الله يديمها من نعمة

  5. يقول news1390:

    حاجتنا للمطر كحاجة الارض الجدباء

    الله يرزقنا من واسع فضلة

  6. يقول دُرة الأمل:

    بالنسبة لي كان يوم خرافي ومررررررررررررة يجنن
    واهم شيء اشكالنا بعد المطر
    والأحلى الجلسة اللي جلسنها بعد المطر
    اللهم اسقنا غيثا مغيثا دائم ………..ا
    اللهم ارزقنا من واسع رحمتك ……….

  7. يقول لؤلؤة:

    wasan..
    مرررررة شكرا إنك نزلتي الموضوع :)
    أنا رحت البحر اليوم اللي بعده :)
    بس وناسة إلا أم الوناااااااااسة

    shoso..
    مطرة يوم الخيس غييييييييير
    احنا في مكة نزل عندنا مو بس مطر
    جانا بَرَد يعني تلج من زمااااااااااااااان ماجا بدا الكبر
    ولعبببببببببنا :)
    يوووووه رجعتيني لداك اليوم كأنه أمس :)

    الإعصار الأحمر..
    بصراحة فااااااااتكم :P
    كيف صورنا؟ بكميرا جوال صفحة من كتاب الحياة
    طبعا هو الجوال بكميرا ممنوع بس تهريب
    الجامعة فاضية لأنو الصورة أخدناها تقريبا عالساعة وحدة
    وكانت الساحات فاضية وهو الطبيعي في كليتنا

    فواح..
    من جد هو يوم كل كم سنة
    آمين

    news..
    فعلا المطر غير الكثير :)
    سعيدة بزيارتك

    درة..
    الجلسة اللي جلسناها كانت شي تاااااااااااااااني..
    من زمان ماصار عندنا وقت فاضي نهرج فيه :)

  8. يقول شهد:

    خخخخخخخخخخخخ

    استمررررررو وعلبالي انتو طب يعني دوفرة ..
    اهم شي في الحياة الاستمرار بس يلا غيرتو جو شوية
    ومبروك على الفوز .. كويس ما وحدة اتزحلقت ولا صرلها شي ..
    اهم شي انو ضميركم انبكم ورجعتوا رسمتوه .. خخـ
    كويس انو كان عندكم وقت فاضي على الاقل تتكلمو فيه وتهرجو زي الناس والبني ادمين ..
    الله يوفقكم يارب كلكم .. ( اهم شي انو الكلام مدعم بالصور )

أترك تعليقا