زيارة لبنك الدم

وكما وعدت أن أحاول تدوين مشاهداتي

لمرافق المستشفى التي أزورها..

قامت صديقتي العزيزة shoso بتدوين زيارتنا لبنك الدم

وإليكم القصة
J اللي بدا اللون كلام البنية صحبتي ودا اللون تعليقي ع الكلام :P

من ضمن الأماكن إللي زرناها في المستشفى الجامعي (مستشفى جامعة الملك عبد العزيز) بنك الدم (Blood Bank)،

حيث توجهنا إلى مقره الكامن في الدور الأرضي في مبني العيادات الخارجية (وصلنا له بعد مادخنا وإحنا ندور عليه )

قابلنا المسؤولة هناك فحدثتنا عن الخطوات التي يتبعونها عند التبرع بالدم

حيث يأتي المتبرع (Donor) إلى البنك ومن ثم يتم تسليمه إستمارة تحتوي على عدد من الأسئلة المهمة التي لابد من الإجابة عليها,

ومن ضمن الأشياء التي يُسأل عنها المتبرع:

تاريخه المرضي (Medical History)

صحته البدنية (Physical Health)

إمكانية تعرضه لأي أمراض معدية (possible contact with transfusion-transmissible infectious diseases)

إن كان يستخدم أي نوع من الأدوية (Drug Use)

إن كان قد سافر إلى أماكن بها أمراض مستوطنة (Travel to area of endemic diseases) (لمن ترجمت endemic diseases طلعلي مرض مستوطن و إللي أعرفه إنها الأمراض التي تكثر في دول ومناطق معينة كالملاريا مثلا التي تكثر في جنوب القارة الأفريقية)

بعد ما يملأ المتبرع الاستمارة ، يدخل إلى غرفة يتم فيها أخذ نقطة دم لقياس كمية الهيموجلوبين(Hb) في الدم الذي تتراوح كميته من 12-15 عند الإناث و 13-17 عند الذكور،

و لازم كمان نقيس معدلاته الحيوية (Vital Signs) اللي منها:

الحرارة(Temperature)- ضغط الدم(Blood Pressure)

و كمان لازم نقيس وزن المتبرع بحيث أن بنك الدم ما يقبل اللي و زنهم أقل من 50 كيلوجرام إنهم يتبرعوا.

طبعا بعد كل ما تصير الأشياء هذه لابد إنو المسؤول يناقش المتبرع في إجاباته و عدها إذا كان كل شيءOK يدخل المتبرع لغرفة معينة فيها الجهاز اللي يستخدم في سحب الدم من المتبرع و اسمه (Blood Collection System)

دائما الكمية التي تؤخذ من المتبرع عبارة عن وحدة واحدة فقط (one unit) و إللي تساوي 450ml

أثناء زيارتنا شاهدنا تقريبا 3 متبرعين في نصف ساعة وعرفنا إنو هذا العدد قليل لأنو العادة يكون العدد أكبر و يكون المكان زحمة.

طبعا بعد ما ينتهي الجهاز من سحب الكمية المحددة يتوقف ومن ثم يحتاج المتبرع إنو يرتاح من 7-10 دقائق و ممكن كمان يشرب أي سائل عشان يعوض الدم الكمية المفقودة من السوائل.

بعدها كيس الدم ينقل إلى ثلاجات خاصة و يحفظ طبعا على كل كيس رقم معين (ID) هذا الرقم لمن ندخله في الكمبيوتر راح يعطيني المعلومات الكاملة عن المتبرع.

في نفس البنك في غرفة اسمها غرفة الفصل (Apheresis Room) بحيث إنو الدم يسحب من الجسم و يمر على جهاز معين، هذا الجهاز وظيفته إنو يفصل الأجزاء المكونة للدم عن بعضها مثلا:

بلازما (Plasma)

خلايا الدم البيضاء(White Blood Cells)

خلايا الدم الحمراء(Red blood Cells)

الصفائح الدموية(Platelets)

و على حسب السبب في إستخدام الجهاز يتم فصل جزء واحد و بقية الدم يرجع مرة ثانية للجسم.

أكيد راح تسألوا في إيش راح نستخدم هذا الجهاز؟

أحيانا يستخدم لعلاج مرضى سرطان الدم(Leukaemia) لأنو عدد خلايا الدم البيضاء عندهم مرة عالي فالجهاز راح يفصل هذه الخلايا و بالتالي يقل عددها في الدم و هذه العملي تسمى(leukopheresis)

و كمان يستخدم في علاج أمراض المناعة (Autoimmune diseases ) وفي هذه الحالة الجزء إللي يفصل هو البلازما.

دا بالنسبة للإستخدام العلاجي يعني يكون الآدمي مريض ونعمله دا الشي

لكن ممكن يكون الواحد كويس ويتبرع بالصفائح الدموية للناس المريضين :P ودا شي مرة كويس

لأنو المتبرع بالصفائح يتبرع بكمية تساوي ستة أضعاف الصفائح في التبرع العادي بالدم

ودا الشي مفيد للمريض عشان لما نعطيه صفائح نفس الشخص أفضل من أشخاص متفرقين

تخيلوا إنو هذه المعلومات سمعناها في تقريبا ساعة إلا ربع و إحنا واقفين سجلناها في (loog book)

وبعد ماخلصنا قالت لنا الدكتورة إننا زرنا بس مركز التبرع مو بنك الدم الحقيقي L

وبعدها زرنا كمان مكانين إللي هما عيادة العيون (Ophthalmology Clinic) و غرفة الإصابات (Trauma Clinic ) المرة الجاية إن شاء الله أحكيكم عنها

و السلام خير الختام

شكرا لك دكتورة شوسو ع المعلومات الحلوة دي

وما شاء الله عليك سريعة الاستجابة عقبال ما أخلص كتابة زيارة غرفة العزل ومغامرتكم فيها :P

10 تعليقات to “ زيارة لبنك الدم ”

  1. يقول wasan:

    برافو ياشوسو
    الزيارة كانت حلوة
    كان ودي أتبرع بس كنت دايخة من اللف ع الغرف
    يارب تسهلنا ونخلص من
    log book

  2. يقول jamjoom:

    واو سفووووووو..
    عنجد مره حمستيني أجي أدرس معاكم

    صراحة تقرير روعة..
    ومتابعينك ونستنا جديدك

    بالتوفيق ياعسل :)

  3. يقول لؤلؤة:

    وسن..
    آمين ربنا يسهل لنا الكتابة في اللوج العجيب دا
    الله يستر إلين دحين ما كتبت شي

    جمجوم..
    يللا تعالي أدرسي معانا :P
    تسلم ايد اللي كتبته واللي نزلته :P
    يللا شدي حيلك وأكتبي زينا
    ومن عنوني أنزلك موضوعك في المدونة :)
    من جد مررررررررررررررررررة فرحت بزيارتك :)
    كرريها لوسمحتي :)

  4. يقول أحلى بخارية ..:

    بصراااحة الموضوع مرررة جيد ..
    وفيلو معلومات كتييييييير حلوة ..

    …………..
    أنا مرة مني عارفة اش أكتب لكن سفو أصرررررت عليا ..
    فقلت أفرحها شويتين بردي ..
    ومع خالص حبي .. أحلى بخارية ..

  5. شيء رائع
    احب اضيف لازم يكون عمر المتبرع فوق الـ 18 مدري ليش
    بس في مرة جات الوزارة تبغى متبرعين ( في مدرسة ) ولد عمي راح قالولو لسه ما كملت الـ 18 وما قبلوه :(

  6. يقول اقصوصه:

    ما شالله علفيج

    تقرير وافي للزياره

    بصراحه افكر دايما اسير اتبرع فدمي فبنك الدم

    بس لين الحين ما لقيت الفرصه عشان اطبق هالفكره

    سررت بتدوينتك

    وبمدونتك الجميله

    بالتوفيق ان شالله

  7. يقول لؤلؤة:

    أحلى بخارية..
    شكرا ياأختي رقم ممممم رقم كم كنتي؟!! :P
    أظن 10
    المهم مرة شكرا إنك استجبتي لندائي ورديتي
    وشكرا لتحميسك :)

    الإعصار الأحمر..
    بصراحة ليش فوق 18 أنا كمان ما أدري :)
    ما أفتكر إنو قالت لنا المشرفة شي زي كدا
    بس يمكن لأنه في طور النمو
    معليه خيرها في غيرها ويقدر يتبرع بعد كدا
    صحبتي قالولها ماتتبرعي إلين مايصير عمرك 31 سنة
    اش رايك!!

    أقصوصة..
    سلمتِ عزيزتي
    حتى أنا أتمنى أروح أتبرع بدمي
    بس إلى الآن ماما مي راضية
    وما أقدر أروح من غير رضاها
    الحمدلله..
    حياكِ المولى ..

  8. يقول news1390:

    المهاجرة!!

    جهد مميز وتقرير تشكرين عليه

    دمتي بخير

  9. يقول لؤلؤة:

    المهاجرة..
    شكرا لمرورك العطر..
    وتشجيعك..
    دمتِ بصحة..

  10. يقول قمر السعادة:

    تقرير أكثر من رااااائع ياعسل :)
    أنا كمان مررررة متحمسة للتبرع بس بتبرع في بلدي<<<عصبية قبلية ههههههههه
    عقبال مانخلص الكام قسم اللي باقيين يارب

    بالتوفيق للجمييييع :)

أترك تعليقا